Հոկտեմբերի 22-ին Մոսկվայում 4090 Հիմնադրամի հոգաբարձուների խորհրդի անդամ Անուշ Գևորգյանի նախաձեռնությամբ տեղի ունեցավ բարեգործական միջոցառում։ Ներկա էին մի խումբ սրտացավ մարդիկ, ովքեր հետաքրքրված էին կրթությամբ և պատրաստ էին աջակցել մեր հերոս շահառուներին ձեռք բերել մասնագիտություն և կերտել արժանավայել ապագա մեր երկրում։ Միջոցառման ընթացքում ներկայացված էին մի շարք հայ ստեղծագործողների աշխատանքներ և արտադրանքներ, որոնց մի մասը վաճառվեց, իսկ մի մասն աճուրդի հանվեց։ Երեկոյի երաժշտական մասն ապահովեցին Դանիել Ադիյանցի տրիոն, իսկ հատուկ համարով հանդես եկավ "Золотой Гранат" պարային համույթը Կարոլինա Բաբայանի և Արսեն Ներսեսյանի կենդանի կատարման ներքո։