2024 թ. օգոստոսի 24-ին տեղի ունեցավ  թվով երրորդ վերելքն Արագած, որն աննախադեպ էր իր մասշտաբով (96 մասնակից), բովանդակությամբ և հավաքագրված գումարի չափով (1 083 000 դրամ)։ Այն մեր համայնքի համար հիշարժան և պատմական օր էր, որը ևս մեկ քայլ էր նպաստելու մեր հիմնանպատակին՝ աջակցել պատերազմի մասնակից ուսանողներին փոխել իրենց կյանքի որակը կրթության միջոցով։ 

Մեր արշավը, շուրջպարը և օդում սավառնող ջերմությունը ևս մեկ անգամ ապացուցեցին, որ նման նախաձեռնությունները, ոչ միայն ապահովում են ֆինանսական աջակցություն, այլ հիշեցնում, որ համատեղ ուժերով կարող ենք հաղթահարել ցանկացած մարտահրավեր։ 

Այս հիշարժան օրն անհնար կլիներ կազմակերպել առանց մեր լավագույն բարեկամ գործընկերների, ովքեր մշտապես մեր կողքին են։