«4090 Բարեգործական» հիմնադրամը ստեղծվել է 2020թ. Արցախյան պատերազմից հետո հինգ սրտացավ ընկերների կողմից, ում համար կրթությունը կարևոր է, իսկ պատերազմի մասնակցի սխրանքն անգին։ Նրանք բոլորն այդ թվում Հարվարդի երեք շրջանավարտներն, իրենց հաջողությունը կապում են հենց որակյալ կրթության հետ և խրախուսում ցկյանս ուսուցումը։ Ուստիև 44-օրյա պատերազմից հետո որոշվեց հիմնել մի կառույց, որի նպատակն է տրամադրել կրթության հնարավորություն 2016 և 2020թթ պատերազմի և դրան հաջորդող մարտական գործողությունների մասնակից այն հերոսներին, որոնք, չնայած տարբեր խոչընդոտների, գնում են իրենց երազանքի հետևից՝ դառնալով մեր հայրենիքի ապագայի կերտողները։ Հիմնադրամը չունի քաղաքական, կրոնական կամ արհեստակցական նպատակներ և չի հարում որևէ քաղաքական հոսանքի: